Janë identifikuar të përfshirët në aksidentin e mëngjesit, në aksin rrugor Vlorë-Fier.
Sipas një dëshmitari, shkak ka qenë çarja e njërës prej gomave, duke bërë që furgoni të dilte nga rruga e të përplasej. Vetëm një pasagjer ka vdekur, i cili doli nga dritarja e makinës për shkak të përplasjes.
“Furgonit i ishte shpuar goma dhe kishte humbur kontrollin, ishte perplasur me trafik ndaresen e rruges.. kur ishte perplasur me trafikndersen njeri kishte dal nga xhami dhe kishte vdekur, ai qe eshte ne foto ne mes te trafikndareseve. Policia erdhi, por rruga u bllokua, makinat dolen nga rruga tjeter”, thotë një nga dëshmitarët për sitin jetaoshqef.al.
Ndërkaq, mësohet se të përfshirë në aksident janë:
1- I ndjeri Safedin Hatia, 37 vjeç, banues në fshatin Llakatund
2- M.B., 38 vjeç, banuese në fshatin Llakatund
3- O.D., 19 vjeç, banues në fshatin Llakatund
4- Sh.M., 38 vjeç, banues në Vlorë
5- B.S., 57 vjeç, banuese në Llakatund
6- Gj.H., 40 vjeç, banuese në Llakatund
7- E.H., 47 vjeç, banuese në Lakatund
8- S.D., 25 vjeç, banues në Llakatund
9- M.H., banues në Fier (drejtuesi i mjetit, ende nuk është saktësuar mosha)
D.I.
