Një efektiv policie është arrestuar nga kolegët e tij, pasi akuzohet për korrupsion dhe prodhim dhe shitje të lëndëve narkotike.
Bëhet fjalë për shtetasin Elefterios Sullaj, me detyrë oficer i patrullës së Përgjithshme në Komisariatin nr.2. Po ashtu në pranga ranë dhe Mikel Zhegu, i dyshuar për prodhim dhe shitje të lëndëve narkotike si dhe Eris Tafa, i cili akuzohet për largim të të burgosurit nga vendi i qëndrimit.
“U bë e mundur më datë 01.07. 2021 në orët e para të mëngjesit kapja në flagrancë në kryqëzimin e Rrugës së Kosovarëve e automjetit me targa AA 211 PX në drejtimin e së cilës ishte punonjës i policisë Elefterios Sullajm efektiv në Komisiariatin e Policisë nr 2 Tiranë dhe pasagjer shtetasit Mikel Zhegu dhe Eris Tafa, ku ky i fundit është me masë sigurimi personal “arrest shtëpie”.
Në njoftim thuhet se gjatë kontrollit në automjet u gjet dhe u sekuestrua një qese plastike transparente brenda se cilës kishte një sasi kokaine.
SPAK regjistroi procedimin penal për rastin e policit, pas një hetimi disamujor.
/b.h
