Albert Bunjaki ka zgjedhur një mënyrë shumë të veçantë për të dërguar një mesazh jashtëzakonisht të fuqishëm tek të gjithë futbollistët kosovarë!
Pak ditë pas vendimit të FIFA- për t’i shqyrtuar një nga një kërkesat e futbollistë kosovarë që dëshirojnë të kthehen të luajnë për Kombëtaren e Kosovës, ka ardhur edhe reagimi i parë i hapur i selektorit të Kosovës, Albert Bunjaki.
Ky i fundit ka zgjedhur një mënyrë shumë të veçantë për të dërguar një mesazh jashtëzakonisht të fuqishëm tek të gjithë futbollistët kosovarë, përcjell Express.
Bunjaku ka përdorur poezinë e jashtëzakonshme “Unë, Biri Yt, Kosovë”, të të madhit Ali Podrimja, e cila në pak rreshta ngërthen më shumë sesa që mund të thuhej në një libër të tërë.
Kjo është poezia me të cilën Bunjaki iu është drejtuar yjeve
Unë, Biri Yt, Kosovë
Unë biri yt Kosovë t’ i njoh dëshirat e heshtura,
t’ i njoh ëndrrat, erërat e fjetura me shekuj,
t’ i njoh vuajtjet, gëzimet, vdekjet,
t’ i njoh lindjet e bardha, caqet e tuka të kulluara,
ta di gjakun që të vlon në gji,
dallgën kur të rrahë netëve t’ pagjumta
e të shpërthej do si vullkan:-
më mirë se kushdo tjetër të njoh, Kosovë
Unë biri yt.
Trego se Ti je biri i Kosovës që do t’ ia zgjosh ëndërrta e fjetura me shekujt, t’ ia zgjosh gëzimet e munguara nga vdekjet e vuajtjet. E di se edhe ty të vlon gjaku në gji, sepse shumë netë ke mbetur pa fjetur! Por tash mund të shpërthesh si vullkan, sepse ti je bir Kosove!
Shokët tu tjerë e bënë më herët, sot është radha yt! Bashkohu me ta, lartësoje vetën, nderoje Kosovën!
Sot është koha, nesër mund të behet vonë.
Tekst i bukur dhe i nderuar. (b.an)
