Gjatë një aktiviteti për migrimin profesional në Gjermani, Ambasadori i Gjermanisë, Helmut Hoffman shprehu kënaqësinë e tij që qytetarët shqiptarë kanë zgjedhur rrugën e drejtë të punësimit në Gjermani.
Hoffman shtoi se me anë të kësaj mënyre ligjore punësimi synohet të shmanget edhe fluksi i atyre që ikin për të kërkuar azil, duke shtuar se kjo është rruga e vetme e sigurt për tu punësuar në Gjermani.
“Qytetarët shqiptarë kanë një mundësi për punësim ligjor në Gjermani, duke frenuar kështu ikjet masive”,- tha Hoffman.
Ndërsa Zëvendësministrja e Arsimit, Nora Malaj deklaroi sot se Europa nuk ka kufij dhe se rruga e integrimit vlen për të gjithë. Malaj theksoi se është kapërcyer barriera e gjuhës.
“Sot jemi këtu, ku kemi realizuar disa sfida, siç është dhe mësimi i gjuhës gjermane. Kam falënderim për të gjithë ju sot që tregoni ase rrugëtimi është i sigurt, diploma e garantuar dhe barrierat janë individuale. Po, gjërat ne duhet ti bëjmë bashkë dhe jo ti japim me urdhra”, tha Malaj.
