Gazeta e famshme britanike Daily Mail ka botuar një artikull drejtuar disa shqetësimeve që kanë lindur në shkolla në këtë shtet, që si shkak kanë shqiptarët.
“Emigrantët shqiptarë që hyjnë ilegalisht në Britani dhe hiqen si fëmijë refugjatësh, po vënë në rrezik nxënësit e shkollave”- kështu e nis shkrimin Daily Mail, duke ju referuar disa dokumentave të policisë së vendit.
Në artikull shkruhet më tej se shumë shqiptarë emigrantë hiqen sikur të jenë të mitur nëpër shkolla, por jo të pakta kanë qenë rastet kur këta të “mitur” kanë shkaktuar mjaft probleme nëpër shkolla.
Daily Mail shpjegon përmes raporteve të sigurua nga policia, se mjaft drejtorë shkollash në vend kanë qenë të detyruar të marin masa drastike kundër emigrantëve, me argumentin se ata pretendojnë të jetë të vegjël apo minorenë, kur në fakt nuk janë.
Madje një tjetër raport vëren se shumë shqiptarë janë dëbuar edhe nga familjet “adoptuese” (familje që pranojnë të ndihmojnë emigrantët me strehim dhe ushqim), sepse shumë prej tyre kanë shfaqur dukshëm sjellje jo të denja përkarshi femrave të këtyre familjeve.
Madje, vijon më tej Daily Mail, jo të pakta kanë qenë rastet kur për të konfirmuar tentativat për mashtrim, shumë prej emigrantëve “minorenë” i është kërkuar të bëjnë një skanim me rreze X të dhëmëbëve të tyre, një mënyrë kjo e pagabueshme për të zbuluar nëse ata janë apo jo minorënë siç pretendojnë.
Gazeta britanike shkruan se 500 shqiptarë erdhën në Britani vetëm vitin e shkuar me pretendimin se janë fëmijë jetimë… por rreth gjysma e tyre “dështoi” në marrjen e ndihmës për shkak të këtyre problemeve./java/a.k
