Qeveria italiane po analizon mundësinë e aprovimit të një ligjit të ri për pajisjen me leje të rregullt qëndrimi emigrantët që jetojnë e punojnë ilegalisht në Itali.
Kusht është të dëshmojnë se kanë gati një kontratë punësimi si dhe derdhja e një kontributi financiar nga ana e punëdhësit.
Në Itali e njohin me emrin “Sanatoria”, apo amnistia për rregullimin e situatës së emigrantëve klandestinë që punojnë ilegalisht apo që nuk gjejnë dot punë pasi nuk kanë leje qëndrimi.
Sanatoria e fundit në Itali është bërë në vitin 2012.
Aktualisht llogaritet se numri i emigrantëve klandestinë në Itali është rreth 600 mijë.
Sanatoria e re është propozuar nga iniciativa popullore “Ero straniero” dhe e mbështetur nga forca politike “+ Europa”.
Ky draft ligor po ekzaminohet në komisionin parlamentar të Cështjeve Kushtetuese dhe ka gjetur mbështetjen e ministres së Brendshme Luciana Lamorgese e cila gjatë një interpelancë në këtë komision ka pohuar se qeveria synon të marrë në vlerësim e t’i gjej zgjidhje kuadrit kompleks të situatës së majft emigrantëve të parregulltë në Itali.
Vlerësohet se nga kjo do të përfitojnë rreth 300 emigrantë nga mbi 600 mijë që është numri i tyre.
Por senatoria e pritet të sjellë dhe një avantazh ekonomik për arkën e shtetit. Llogaritet që kontributet e derdhura nga praktikat e emigantëve për procedurat e pajisjes me leje qendrimi si dhe taksimet e sigurimeve do të sjellin për arkën e shtetit një përfitim prej 1.2 miliardë euro.
Avantazhi ekonomik mund të jetë afatgjatë pasi me marrjen e lejes së qëndrimit emigrante bëhen kontribues aktiv për shtetin dhe ekonominë italiane.
Sipas Institutit të sigurimeve shoqërore nga sanatoria e vitit 2012 rezultojnë ende sot rreth 80% emigrantë të punësuar që përfituan nga normativa e saj.
Sanatoria e re parashikon të lë jashtë emigrantë që kanë apo kanë pasur probleme me drejtësinë italiane apo që dyshohen se janë rrezik për sigurinë kombëtare./oranews
g.kosovari
