Kosovarët që jetojnë jashtë vendit, e të cilët pushimet po i kalojnë në Kosovë, shprehen të pakënaqur me trajtimin që atyre u bëhet që nga momenti kur hyjnë në kufi të Kosovës.
Ata thonë se gjithçka nis nga paratë që u merr Polica e sigurimit kufitar, e deri tek trajtimet tjera që atyre u bëjnë institucionet e Kosovës.
Mërgimtarët thonë se përveç se detyrohen të paguajnë për Policat, për çka nuk ka askush informatë se ku shkojnë ato para, ata thonë se nuk kanë kurrfarë trajtimi në kufi, ku edhe rendet e gjata janë tepër të mërzitshme dhe shpenzuese.
Ata kërkojnë që tarifat e këtyre policave të hiqen tërësisht, ani pse ato këtë vit janë diku 50% më të lira, referon Koha. (b.an)
