“Kam bindjen se vota e diasporës do të bëjë diferencën në këto zgjedhje”. Kështu u shpreh deputeti i PD-së, Saimir Korreshi, në Ditarin e pasdites në A2 CNN.
“Në shqipëri, nëse bën një numërim të atyre që kanë ngelur, 200 mijë janë punonjës shtetërorë dhe biznesmenë, ndërsa pjesa tjetër po ikin. Tani mendoj se ka më shumë votues jashtë sesa në Shqipëri. Kjo gjë mund të bëjë ndryshimin historik. Unë i konsideroj të djathtë pjesën më të madhe të tyre”, tha ai.
Më tej, Korreshi denoncoi se shumë emigrantë janë duke u përballur me vështirësi në regjistrim.
“Pavarësisht regjistrimit masiv, dua të denoncoj se ka pafund nga ata që nuk po munden të regjistrohen. Duket se të gjithë ata që kanë qenë te lista e dorëzuar te Partia Socialiste kanë akses më të kollajtë. Shumë miq më kanë shkruar se ose nuk i njeh numrin personal ose kanë probleme të tjera”, tha Korreshi në Ditarin e Pasdites
