Komisioneri i KE për çështjet e emigracionit, Dimtris Avramopulos pritet që ditën e sotme të jetë në Tiranë.
Komisionari për Migrimin dhe Punët e Brendshme do të qëndrojë dy ditë në vendin tonë, ku do të zhvillojë takime me zyrtarët e lartë të shtetit.
Zyrtari i lartë i BE mesohet do të takohet me kryeministrin Edi Rama, Ministrin e Jashtëm Ditmir Bushati dhe atë të Brendshëm, Fatmir Xhafaj.
Në qendër të diskutimeve do të jetë bashkëpunimi në fushën e migrimit, të sigurisë dhe të kontrollit të kufijve.
Mësohet se qëllimi i vizitës është marrëveshja mes Policisë dhe Frontex. Sakaq, pasi të nënshkruajnë marrëveshjen dy zyrtarët, Avramopulos dhe Xhafa do të mbajnë një konferencë të përbashkët.
Ardhja e tij në Tiranë ishte parashikuar për ditën djeshme, por u shty për sot për arsye që ende nuk janë bërë publike.
Kjo vizitë e zyrtarit grek në vendin tonë vjen në një kohë, kur dy vendet fqinje janë përshirë në negociata për zgjidhjen e disa çështjeve që kanë mbajtur të ngurta marrëdhëniet mes dy vende.
Deti, ligji i luftës, çamët e disa çështje të tjera në interes të dy vendeve janë në tryezën e diskutimit, por pavarësisht publikimeve në media dhe deklaratave politike, akoma nuk kemi një finalizim të tyre.
a.ç
