Pas lajmit se veturat me naftë nga Volkswagen po emetojnë nivele të larta të oksidit të nitrogjenit, ky prodhues ka filluar të punojë në gjetjen e një zgjidhjeje për problemin. Kjo është zgjidhja e këtij problemi, por vetëm për veturat evropiane.
Volkswagen ka zbuluar detajet se si synon ta rregullojë problemin me motorët me naftë të prodhuar për tregun evropian.
Kompania ka punuar në versionin e motorëve EA 189 me kapacitet 1.2, 1.6 dhe 2.0 litër duke u munduar që të ulë nivelin e NOx poshtë limiteve të caktuara nga rregullatorët shtetërorë por duke mos ulur performancën e këtyre motorëve, transmeton Express.
Zgjedhja e parë ka arritur dhe do të aplikohet tek motorët EA 189 me kapacitet 1.6 litër. Në vazhdim gjeni shpjegimin nga Volkswagen.
“Transformuesi rrjedhjes së ajrit” do të vendoset drejtpërdrejt para sensorit të ajrit tek motorët EA 189 1.6 litër. Kjo është një rrjetë e cila qetëson vorbullat e ajrit para se ajri të arrijë tek sensori duke rritur kështu saktësinë në matjen e sasisë së ajrit që hynë në motor. Me anë të kësaj matje mund të bëhen kombinime me të sakta të ajrit me naftën gjatë djegies brenda në motor. Po ashtu, do të bëhet edhe azhurnimi i softuerit i cili menaxhon këtë proces. Kosa për instalimin e kësaj pajisjeje dhe azhurnimit të softuerit do të jetë rreth një orë.
Kjo zgjidhje është pranuar nga Federal Motor Transport Authority dhe tani Volkswagen është duke planifikuar për të gjitha shtetet evropiane procesin e kthimit të veturave për të rregulluar këtë problem. Ky proces pritet të filloj në Janar 2016.
Për sa i përket veturave me motor 2.0, VW tashmë i ka ftuar ato për azhurnim falas të softuerit. E njëjta pritet të ndodhë edhe për motorët 1.2 por VW ende nuk ka marrë konfirmimin për këtë.
