Ndërkohë që anëtarë të ekipit të tranzicionit të presidentit të zgjedhur Donald Trump, debatojnë se cili duhet të jetë Sekretari i tij i Shtetit, zoti Trump bëri dy emërime të reja.
Kathleen Troia “KT” McFarland do të shërbejë si zëvendës këshilltare për sigurinë kombëtare, ndërsa Donald F. McGahn do të jetë juristi i Shtëpisë së Bardhë.Asnjë nga këto poste nuk kërkon konfirmimin e senatit, raporton Voa.
Zonja McFarland, ka punuar për tre president në të kaluarën dhe ka qenë analiste në televizionin Fox News.
Zoti McGahn, ish kryetar i Komisionit Federal të Zgjedhjeve, ishte juristi i zotit Trump gjatë fushatës dhe ishte një nga të paktët republikanë tradicionalë që mbështeti kandidatin e pazakontë. (b.an)
