Elvis Rroshi u shkarkua rreth dy muaj më parë nga posti i Kryetarit të Bashkisë Kavajë pas problemeve që u konstatuan në të shkuarën e tij. Ai u kap nga ligji i dekriminalizimit dhe pas nisjes së hetimeve nga prokuroria u shkarkua nga kryeministri.
Por, edhe pse i shkarkuar, në KQZ mbërriti një shkresë e bashkisë së Kavajës me firmën e Elvis Rroshit për vendndodhjen e KZAZ-së Nr. 42 për zgjedhjet e 18 Qershorit.
Në bazë të kësaj shkrese të datës 20. 02. 2017 me numër protokolli 473 rezulton se Elvis Rroshi ushtron detyrën e kryebashkiakut dhe është ende në detyrë duke lëshuar edhe shkresa zyrtare./a.m.
