Muzikanti dhe filantropisti i njohur Britanik, Elton John, performoi në qytetin Izraelit, Tel Aviv, gjatë sezonit verorë të koncerteve që po zhvillohen në këtë shtet.
Sipas mediave lokale, John e ka shënuar rikthimin në skenën e këtij qyteti pas 23 vjetësh mungesë, dhe kjo falë turneut muzikorë që është duke e zhvilluar me titull, ‘A Crazy Ëonderful Night’, transmeton “Express” i KTV-së.
John arriti në Tel Aviv i shoqëruar nga bendi i tij prej kohësh, dy prej së cilëve kanë më shumë se 40 vjet që bëjnë muzikë me të.
Ndërsa sipas mediave të këtij qyteti, rreth 40 mijë njerëz e kanë ndjekur performancën e një prej muzikantëve më të dashur në botë.
Ata si duket janë ndarë të kënaqur me koncertin, bazuar në komentet që i kanë dhënë pas interpretimit të Elton Johnit, duke thënë se zëri i tij është ende i fuqishëm, marrë parasysh moshën e shtyrë.
Sezoni veror i koncerteve në Izrael u hap të enjten më 26 maj, me koncertin e muzikantit Britanik, që u mbajt në parkun “Hayarkon” të Tel Avivit. (b.an)
