Pas ndarjes nga aktorja Elia Zaharia, Leka Zogu nuk fshihet më në daljet publike me të dashurën e tij të re, fotografen Blerta Celibashi. Kjo e fundit njihej si “fotografja e e PD” dhe më pas e “Familjes Mbretërore”. Por tanimë njihet si vajza që i vodhi zemrën Lekës.
Pasi ai e ka konfirmuar zyrtarisht divorcin me aktoren Elia, ai tashmë është shfaqur së bashku me fotografen Blerta Celibashi edhe rrugëve të kryeqytetit. Të dy të kapur dorë për dore duket se po e shijojnë haptazi romancën e re pa u ndikuar nga asnjë. Prej muajsh, emri i tij ka qenë kryefjalë e mediave të shtypit rozë.
Shkak është bërë ndarja e bujshme e tij me Elia Zaharian. Pas 15 vitesh, Leka dhe aktorja kanë vendosur të ndahen. Që pas lajmit, Leka ka preferuar që të qëndrojë disi më i tërhequr nga mediat, duke shijuar në qetësi dhe historinë e tij të dashurisë me Blertën, fotografen disa vite më të re.
Ai ka komentuar “emoji” me sy me zemra në postimin e partneres së tij të re, ndërsa është bërë “like” nga Blerta Celibashi. I pari që konfirmoi ndarjen ishte Leka më 15 janar, ndërsa pak pas tij reagoi edhe aktorja Elia Zaharia, ndërsa nuk treguan arsyen pse marrëdhënia e çiftit shkoi drejt fundit.
/f.s
