Ish-kandidati i Partisë Demokratike, Ibsen Elezi analizoi situatën në kampin blu, por edhe krahun e “Foltores” pas humbjes zhgënjyese më 14 maj.
Ai theksoi se paralelizmat e Berishës “se Edi Rama manipuloi votat” nuk kanë më kuptim pasi kjo retorikë nuk ngjet më as te mbështetësit e tij. Gjatë intervistës në ABC News, Elezi theksoi se të dalësh me të njëtat teza rreth alibisë së humbjes, janë të papranueshme.
Ai nxori në pah një tjetër pikë të dobët të Partisë Demokratike, që ka të bëjë me mungesën e përvojës për të bërë analizë të thelluar të rezultatit zgjedhor.
“PD nuk ka një traditë të mirëfilltë të të bërit analizë, dhe këtë e di nga përvoja ime. Analiza, është një domosdoshmëri, si fitove ashtu dhe edhe kur humbet. Kjo është një e metë e PD jo vetëm tani, por edhe në të kaluarën. PD nuk pati frymë kombëtare, që të fitonte zgjedhjet”, theksoi Elezi.
/s.f
