Një person ka përfunduar në pranga pasi ka tentuar që të korruptojë një punonjës të policisë rrugore duke i ofruar para për të shmangur masën administrative. Mësohet se i arrestuari është Aurel Mollaymeri, 25 vjeç, banues në Moglicë, Korçë.
I riu u arrestua nga efektivat e policisë pasi në aksin rrugor Gramsh- Kodovjat, në vendin e quajtur “Parku në Gramsh”, është ndaluar nga Patrulla e Policisë Rrugore, për arsye se ka qenë duke drejtuar mjetin tip “Benz” me targa AA 191 AT, në shkelje të Kodit Rrugor.
Në momentin e ndalimit ky shtetas ka tentuar t’i jap 1000 lekë punonjësit të policisë rrugore për të mos marrë masë administrative për mosvendosje të rripit të sigurimit. Policia sekuestroi në cilësinë e provës materiale automjetin dhe lekët.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Korrupsion aktiv i personave që ushtrojnë funksione publike”./noa/a.k
