Finalizohet me Sukses Operacioni i Koduar “ZARANIKA”
Sekuestrohen municione luftarake, drogë dhe një sasi lekësh dhe valutë
Sekuestrohen 2500 fishekë pistolete, 1000 fishekë automatiku, 13 granata dore ofensive, 17 granata dore difensive, 30 copë ndezës metalike, 3 krëhëra automatiku, si dhe 1 kg Cannabis Sattiva, 65 400 lekë (të reja), 500 Euro dhe 1000 dinarë
Arrestohen në flagrancë dy shtetas për “Trafikim të armëve dhe të municionit” dhe “Prodhim dhe shitje të narkotikëve”
Mbi bazën e informacioneve të marra në rrugë operative, Specialistët e Sektorit Kundër Narkotikëve dhe Trafiqeve, në Drejtorinë Vendore të Policisë Elbasan, finalizuan me sukses operacionin e koduar “ZARANIKA”
Si rezultat i këtij operacioni, u bë arrestimi në flagrancë i shtetasve:
Ferit Haxhihyseni, 36 vjeç, banues në Elbasan.
Astrit Koshi, 43 vjeç, banues në Elbasan.
Këta shtetas, u arrestuan nga efektivat e policisë, pasi gjatë kontrollit të ushtruar në banesat e tyre, u gjetën dhe u sekuestruan në cilësinë e provës materiale:
-2500 copë fishekë pistolete
-1000 copë fishekë automatiku
-13 granata dore ofensive
-17 granata dore difensive
-30 copë ndezës metalike
-3 krëhëra automatiku kallashnikov
-1 kg Cannabis Sattiva
Gjatë kontrollit fizik të ushtruar nga efektivat e policisë të dy shtetasve, u është gjetur dhe sekuestruar në cilësinë e provës materiale:
-65400 lekë (të reja)
-500 Euro
-1000 Dinarë
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Trafikimi i armëve dhe i municionit”, “Prodhimi dhe mbajtja pa leje e armëve luftarake dhe e municionit” dhe “Prodhimi dhe shitja e narkotikëve” parashikuar nga nenet 278/a , 278/4 dhe 283/ 2 të Kodit Penal.
