Momente tmerri për një grua në Elbasan, pasi ka rrëmbyer një sharrë dhe me të ka dashur të vetësakrifikohet me prerje fyti.
M.M., 52 vjeçe, banuese në lagjen “Skënderbej” të qytetit Elbasan, ka qenë në shtëpi orët e mesditës rreth 13.30, kur në rrethana ende të paqarta, ka marrë një sharrë dhe me të është vetëlënduar.
Policia tha sot se gruaja ka prerë me sharrë lëkurën e fytit dhe ndodhet në spital nën kujdesin e mjekëve.
Një burim policor i tha NOA-s se gjendja e 52-vjeçares nuk paraqet rrezik për jetën pasi nuk ka arritur të presë fytin.
Mësohet se gruaja kishte luhatje mendore. Ajo madje kishte marrë vlerësim si e sëmurë mendore në Spitalin Psikiatrik të Elbasanit megjithatë qëndronte në banesën e saj.
Por nga sot, gruaja gjendet në të njëjtin spital ku është diagnostikuar si e sëmurë mendore.
Policia tha se lidhur me rastin, materialet i kaluan Prokurorisë se Rrethit Gjyqësor Elbasan për vlerësim.
