Një 49 vjeçar shqiptar është arrestuar nga policia pasi rezultonte të ishte i dënuar me 8 vite burg, për grabitje në Itali. Lajmi bëhet i ditur nga mediat italiane sipas të cilave shqiptari Xhevdet Plaka, ishte i dënuar nga gjykata e Luka-s me 8 vite, 11 muaj e 29 ditë burg, pasi ishte gjetur pjesëmarrës në një grabitje të ndodhur në vitin 2008.
Në këtë ngjarje të ndodhur mes datave 2 dhe 3 tetor 2008, kishte vdekur një grua 79-vjeçare. Arrestimi i shqiptarit u bë në fshatin Shtith të Elbasanit ku sipas mediave italiane ai kishte nisur biznesin e ndërtimeve.
Ai u arrestua si rezultat i bashkëpunimit të Interpol Roma me policinë shqiptare.
