NJë person është plagosur pas një aksidenti në Elbasan.
“Në aksin rrugor Elbasan–Metalurgji, shtetasi F.T., 60 vjeç, banues në lagjen “Shënkoll”, Elbasan, duke drejtuar mjetin tip “Man –Kamion”, me targa EL 4817P, është përplasur me mjetin tip “Volswagen”, me targa AA 325 DA, me drejtues shtetasin B.S., 30 vjeç, banues në Elbasan”, raporton policia.
Si pasojë është aksidentuar drejtuesi i mjetit me targa AA 325DA, i cili është dërguar në Spitalin Rajonal Elbasan, dhe është jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit./a.m.
