Elbasan, i premton martesë por e përdhunon dhe tenton ta trafikojë

Policia e Elbasanit ka arrestuar në flagrancë një 25-vjeçar i cili tentoi të trafikojë në Itali me qëllim prostitucionin një 19-vjeçare Në pranga ka rënë Mario Hyka, 25 vjeç banues në fshatin Çengelaj Peqin.

Sipas policisë, arrestimi i tij u bë pasi ky shtetas, duke e mashtruar me premtimin për martesë, ka kryer marrëdhënie seksuale me dhunë , ndaj shtetases A.GJ vjeç 19, banuese në fshatin Çengelaj Peqin si dhe më pas ka tentuar ta trafikonte në Itali.

Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Trafikimi i personave, mbetur në tentativë” dhe “Marrëdhënie seksuale me dhunë me të rritura”.