Elbasani ka regjistruar 8 raste pozitive me COVID-19 dhe të gjithë janë kontakte nga të infektuarit e tjerë. Dyshohet se nga personat e prekur mund të ketë edhe raste që janë infektuar nga drejtori i një banke të nivelit të dytë pak ditë më parë.
Konkretisht kanë rezultuar pozitiv 2 infermiere te materniteti, 2 paciente të shtruara në pavion, konfirmohet pozitiv edhe bashkëshorti i njërës paciente, si dhe një punonjëse banke e nivelit të dytë, ndërsa 2 të tjerë i takojnë kontakte të rasteve të mëparshme, raporton Ora News.
Ditën e sotme u konfirmuan 71 raste pozitive. Shpërndarja gjeografike e rasteve është si vijon: 24 raste në Tiranë, 8 në Elbasan, 6 në Durrës, nga 5 raste në Krujë, Kukës, Lezhë, 4 në Kurbin, 3 në Vlorë, nga 2 raste në Korçë, Shkodër, Përmet, dhe nga 1 rast në Delvinë, Vau Dejës, Bulqizë për herë të parë, Kamëz, Fier.
