Ashtu edhe siç pritej, Barcelona ka nderuar Johan Cruyffin në ‘Camp Nou’.
Para fillimit të ndeshjes Barcelona – Real Madrid, tifozët shpalosën një koreografi ku shkruhej ‘Gracias Cruyff’, duke nderuar kështu legjendën holandeze, i cili shihet më meritori për stilin e lojës që aplikon Barcelona dhe për sukseset që kanë arritur pas viteve të 90’ta.
Kujtojmë se para ndeshjes, lojtarët, trajneri dhe stafi i klubit katalunas, kanë dhënë mesazhe të forta se do ta fitojnë këtë El Clasico për nder të legjendës holandeze i cili vdiq javën e kaluar.
Sa i takon sfidës rezultati deri në minutën e 35-të është me rrjeta të paprekura, 0-0. Barcellona deri tani është shfaqur më agresive, por nuk ka mundur të shënojë.
