Shkencëtarët kanë gjetur prova se truri i njeriut mund të vazhdojë të funksionojë edhe kur personi është klinikisht i vdekur.
Hulumtuesit nga Universiteti në Ontarion perëndimore në Kanada kanë regjistruar impulse elektrike në trurin e një pacienti, pavarësisht se pacienti është larguar nga aparatet që mbajnë trupin në jetë.
Aktiviteti i trurit ka zgjatur dhjetë minuta pas ndalimit të zemrës, ndërsa janë regjistruar valët e trurit që ishin të ngjashme me ato që ndodhin kur ne jemi në një gjendje të gjumit të thellë.
Megjithatë, ka pasur një ndryshim të rëndësishëm në aktivitetin elektrik të trurit 30 minuta para vdekjes së pacientit dhe 5 minuta pas ndalimit të zemrës së tij.
“Është e vështirë për të parashikuar bazën fiziologjike për këtë aktivitet EEG, duke qenë se pasoi një ndërprerje e zgjatur qarkullimit”, thuhet në studim. Në tre nga katër pacientët e testuarit të tjerë, truri u ndal së punuari para se zemra të ndalej, ndërsa aktiviteti i neuroneve në të tre pacientët ishte ndryshe. Kjo do të thotë që ne të gjithë me siguri e përjetojmë vdekjen në mënyra të ndryshme, shkruan Daily Mail.
Në përputhje me këtë, shkencëtarët thonë se është shumë herët për të folur se në ç’mënyrë ky fenomen mund të reflektojë mbi përvojën tone “në anën tjetër të jetës”.
Hulumtimi është publikuar në revistën “Prceedings of the National Academy of Sciences”. /b.d
