Dy ditë pas ekzekutimit me 20 plumba të Jurgen Kurtit, policia ka shpallur në kërkim djalin e të ndjerit Agim Arapi, ngjarje për të cilën u shoqërua dhe më pas u deklarua i pafajshëm viktima Kurti.
Policia e Tiranës e ka shpallur në kërkim si autor të dyshuar 33-vjeçarin Dervis Arapi.
Dervis Arapi, djali i Agim Arapit të vrarë në prill të 2017, ku i dyshuar ishte dhe Kurti. Policia ka referuar vrasjen në prokurori për gjakmarrje. Dervis Arapi rezulton në sistemin TIMS se nuk ndodhet në Shqipëri që prej Janarit.
Nuk dihen provat që çuan Policinë e Tiranës tek ky emër. Blutë e kryeqytetit kanë dyshime se ai ka hyrë në mënyrë ilegale në Shqipëri, ose ka paguar persona të tjerë për vrasjen e Kurtit.
Dyshohet se dy persona ende të paidentifikuar i kanë bërë pritë pranë banesës së tij 26-vjeçarit dhe e kanë qëlluar me breshëri nga një makinë ngjyrë gri duke i shkaktuar vdekjen e menjëhershme.
Pasi ka marrë vesh lajmin se i biri është në kërkim, nëna e tij, Vjollca Arapi ka reaguar e revoltuar, duke e quajtur këtë një skandal.
“Ky eshte nje skandal, policia te kerkoj ne tjeter vend per vrasësit e Jurgenit. Neve dhe fisi jone nuk ka lidhje fare me kete ngjarje te fundit”, ka thënë ajo.
/g.kosovari
