Gjykata e Posaçme, ka marrë sot në pyetje si dëshmitar Daut Elmazin. Ai është pyetur nga togat e zeza për rastin ndaj të akuzuarit Blendi Teta. Ky i fundit është i vetmi person që është arrestuar për atentatin e ndodhur në Tiranë dy vite më parë, ku mbeti i vrarë ish-polici Santiagio Malko.
SPAK ka gjetur një dëshmitar, Daut Elmazin, i cili sot ka dhënë dëshminë e tij.
Elmazi dyshohet se është personi që është kontaktuar nga “Klani Duka” për të mbajtur nën vëzhgim biznesmenin Ervis Martinaj. Po sipas dyshimeve të organit të akuzës, shënjestër e atentatit ku mbeti i vdekur ish-polici Santiago Malko ka qenë dhe Ervis Martinaj.
Malko dhe Martinaj ishin miq me njëri-tjetrin. Duke qenë se dështuan të gjenin Vis Martinajn edhe pse kishin kontaktuar vëzhgues, SPAK thotë se klani Duka qëlloi për vdekje Malkon, të cilin e konsideronte si krahun e djathtë të biznesmenit.
Sipas Neës 24, i paraburgosuri Elmazi, që është nipi i Armando Sulejmanit, i njohur si Çipuri, pranoi në Gjykatë njohjen me të gjithë të pandehurit dhe kontaktet që ka patur para dhe pas vrasjes së ish policit. Ai ka folur për njohje me të shumëkërkuarin Leonard Duka, i cili akuzohet se organizoi vrasjen e Malkos.
Daut Elmazi ka mohuar në Gjykatë se ka njohje me Famir Hysenit, i njohur si Doca, i dyshuar si personi që qëlloi për vdekje Santiago Malkon.
Megjithatë, në dëshminë e tij, i paraburgosuri Elmazi, refuzon kategorikisht të jetë paguar nga krerët e grupit kriminal apo të ketë dhënë informacion në lidhje me lëvizjet apo kontaktet e të shumëpërfolurit të botës së krimit, Ervis Martinaj. Dëshmitari mohoi kategorikisht të kishte të dhëna lidhur me shumën e parave që Dukët kishin vënë në dispozicion për këdo që jepte informacion.
Vrasja e Santiago Malkos:
Ish-polici Santiago Malko u vra mbrëmjen e 27 gushtit 2019 në zonën e Kinostudios, sapo doli me makinën e tij tip BMË X5 nga një lavazh. Persona të maskuar kishin ndjekur Malkon dhe sapo ai ka dalë nga lavazhi e kanë qëlluar me breshëri plumbash duke e lënë të vdekur në vend.
Por pas këqyrjes se dhjetëra kamerave të sigurisë, hetuesit kuptuan se viktima ishte ndjekur hap pas hapi nga dy makina, në njërën prej të cilave më pas u mësua se ishte edhe Blendi Teta, shkruan neësbomb.al. Ai u arrestua dhe nga rrëfimi i mëpasshëm i 39-vjeçarit, dolën në skenë emra e të akuzuarëve të tjerë, pjesë e “Klanit Duka”.
/b.h
