Autoritetet gjermane kanë ekstraduar drejt Shqipërisë Dritan Peskanin, i njohur si anëtarësi i bandës së Admir Tahilit, i arrestuar vetëm pak ditë më parë në Gjermani. Sipas autoriteteve ai ishte shpallur në kërkim, pasi dyshohet si autor i vrasjes së Ibrahim Manit dhe vendosje eksplozivi.
Dritan Peksani, 26 vjeç banues në rrugën Kongresi i Përmetit në Shkodër, është arrestuar nga policia gjermane për llogari të autoriteteve policore shqiptare 3 ditë më parë. Peksani ishte shpallur në kërkim ndërkombëtar nga Gjykata e Shkallës së Parë Për Krime të Rënda në Tiranë, i akuzuar se në disa raste ka qenë ekzekutor i pororosive të marra nga burgu prej Admir Tafilajt, duke kryer vrasje me pagesë.
Po kështu sipas burimeve të Policisë, Peksani është akuzuar nga Prokuroria e Krimeve të Rënda edhe për dhënie të ndihmës dhe sigurime të mjeteve për kryerjen e vrasjes. Një prej rasteve për të cilat dyshohet se Peksani, ka marrë urdhër për të realizuar është ajo e Brahim Manit pwr qwllime gjakmarrjeje. Po kështu një tjetër ngjarje për të cilën ka marrë porosi Dritan Peksani është edhe ajo e vendosjes së eksplozivit ndaj Arben Sulojt, ish- drejtorit të burgut të sigurisë së Lartë në Fushë- Krujë.
ma.me
