Pezullimi nga gjykata holandeze i marrëveshjes për një ekstradim në vitin 2014 pritet të jetë çelësi që do të shfrytëzoje i arrestuari Arben Froku, per te zvarritur ardhjen e tij ne Shqiperi. Veç kesaj, perpjekjeve u vjen ne ndihme dhe nje vendim i Gjykates se Apelit në Hagë, ku pezulloi ekstradimin e një vrasësi shqiptar drejt Shqipërisë.
Arben Frroku mund të zvarrisë ekstradimin e tij, pasi në një çështje të ngjashme Gjykata e Apelit në Hagë vendosi të pezullojë ekstradimin e një vrasësi shqiptar drejt Shqipërisë, raporton ABC News.
Pavarësisht se ai ishte dënuar me 7 vjet heqje lirie për vrasje dhe armëmbajtje pa leje, për gjykatën holandeze ky dënim nuk justifikonte ekstradimin e tij.
Gjykata argumentoi se autoritetet shqiptare nuk ofronin siguri të mjaftueshme për të dënuarin.
Avokati i vrasësit shqiptar argumentoi se për shkak të vrasjes, klienti i tij mund të ishte i rrezikuar nga gjakmarrja.
Ky argument u pranua nga gjykatësit e çështjes, të cilët thanë se në Shqipëri ka një mundësi reale për gjakmarrje.
Pasi gjykata kërkoi prova se si Shqipëria mund të garantonte sigurinë e të dënuarit në burgjet shqiptare, Ministria Brendshme shqiptare u përgjigj se gjakmarrja është e ndaluar me ligj.
Një skenar i ngjashëm mund të ndodhë dhe me Arben Frroku, i cili është dënuar për vrasje në Shqipëri.
Nëse ai do të apelonte ekstradimin e tij, ka shumë mundësi që të zvarrisë procesin njësoj si vrasësin shqiptar në 2014-ën.