Vepra të përzgjedhura nga ish kinostudio po vijnë në një ekspozitë në Galerinë Kombëtare të Arteve.
Ekspozita ekspozitës “Arti dhe Dizajni i Filmit Shqiptar – Vepra të Përzgjedhura nga Vitet e Kinostudios” u hapën në 14 prill. Në të jane shfaqur mbi 100 afishe origjinale të formatit të plotë dhe standartit industrial të filmit artistik, dokumentar dhe vizatimor shqiptar, skica dhe bocete kostumografie si dhe programe premierash filmi nga Kinostudio “Shqipëria e Re” (1952 – 1992).
Prodhuar nga Galeria Kombëtare e Arteve në bashkëpunim me Arkivin Qendror Shqiptar të Filmit (AQSHF), Universitetin e Arteve dhe kuruar nga kineasti shqiptaro-amerikan Thomas Logoreci, kjo ekspozitë ka paraqitur një përzgjedhje të rrallë afishesh filmi disa prej tyre të pikturuara me dorë, që rrallë janë parë nga publiku, që nga shfaqja e parë e filmit.
Në këtë ekspozitë janë veprat e artit të punuara me dorë, dhe jo prej fotografive. Kjo ekspozitë është konceptuar me punët e autorëve Sali Allmuça, Ksenofon Dilo, Myrteza Fushekati, Azis Karalliu, Bujar Luca, Kleo Nini, Namik Prizreni, Alush Shima, Astrit Tota, Dhimitër Theodhori dhe Shyqyri Sako.
Pjesë e kësaj ekspozite të veçantë është edhe një dokumentar i gjatë nga kritiku irlandez dhe regjisori Mark Cousins. Titulluar “Here be Dragons” (Këtu ka dragonj), kjo ese filmike tregon udhëtimin në Shqipëri të regjisorit Cousins në vitin 2012, duke marrë në fokus rëndësinë e ruajtjes së trashëgimisë filmike të Shqipërisë – një sfidë e madhe për arkivën e filmit shqiptar gjatë dekadës së ardhshme.