Koreja Veriore nuk ofron kushedi çfarë që t’ia blejë bota, por një prej eksporteve më të mëdha të saj ka qenë arti i saj. Ekipi i BBC-së ka hulumtuar një veprimtari të pazakonshme që po merr hov në Korenë komuniste, dhe suksesi i saj po vjen kryesisht për shkak të kërkesave nga Afrika. Mbase ju befasoheni me faktin se Koreja Veriore do të pëlqente të kishte punë me tiparet e figurave më të njohura të vendit tuaj. Artistët e shtetit më të izoluar në botë po merren me detaje të mozaikëve dhe veprave të tjera artistike, përcjell “Koha Ditore”. Por ajo që po bie më së shumti në sy së fundi janë shtatoret gjigante që po eksportohen prej shtetit të izoluar. Studio artistike “Mansuade” po merret intensivisht me skalitjen e figurave të ndryshme politike e historike nga e mbarë bota. Themeluar më 1959, punë parësore kishte gdhendjen e propagandës me qëllim të rritjes së mbështetjes popullore për dinastinë politike që sundon vendin me grusht të hekurt. Shtatoret e mëdha e muralet shihen në këtë studio. Janë skena që kanë dalë prej ceremonive të ndryshme ushtarake. Madje ka edhe murale që janë frymëzuar prej jetës së përditshme të fshatarëve të Koresë Veriore…
