Një ngjarje e rëndë është shënuar paraditen e së hënës në qytetin e Vlorës.
Mësohet se një automjet ka shpërthyer dhe si pasojë një shtetas ka mbetur i plagosur.
Ngjarja ka ndodhur pranë zyrave të Institutit të Sigurimeve Shoqërore, ndërsa mjeti me targë AA 298 CL raportohet të ketë shpërthyer në ecje.
Të dhënat e para flasin se i plagosur ka mbetur Ines Hajrulla, 25 vjeç. Ai ka dëmtime në të dyja këmbët dhe ndodhet në spitalin rajonal.
Informacion paraprak
Më datë 27.11.2017, Salla Operative Vlorë është njoftuar se në lagjen ”Hajro Çakërri”, tek Bishti i Kalldrëmit ka shpërthyer një automjet në lëvizje.
Shërbimet e Policisë kanë shkuar në vendngjarje ku nga verifikimet paraprake rezulton se mjeti tip Jeep me targa AA 298 CL, me drejtues shtetasin I.H., 25 vjeç, ka shpërthyer gjatë lëvizjes.
Si pasojë e shpërthimit është dëmtuar, dhe ndodhet në gjendje të rëndë për jetën drejtuesi i mjetit i cili është transportuar menjëherë në Spitalin Rajonal Vlorë për të marrë ndihmë mjekësore.
Dyshohet se mjetit i është vendosur lëndë eksplozive.
Shtetasi I.H., është shtetas me preçedentë të theksuar kriminale.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
