Tërmeti 6.4 ballë Righter ka tronditur Durrësin dhe vendin tonë. Ekspertë të njohur të sizmologjisë të ftuar në rubrikën “Opinion” u shprehën se situata më e rëndë ka kaluar.
Profesori nga Maqedonia e Veriut, Mihail Garevski, që mban gradën Doktor i Shkencave në Universitetin e Bristolit në Angli për Sizmikën dhe Tërmetet, si dhe Koordinator në disa grupe ndërkombëtare të punës për raste katastrofe sizmike si në Maqedoninë e Veriut edhe vende të tjera të botës, tha se tashmë mund të ketë pas-lëkundje të vogla, por paniku ka kaluar.
“Jam i kënaqur për strukturën inxhinierike në Shqipëri. Nuk them se janë në kushte jashtëzakonisht të mira, por një tërmet me një magnitudë kaq të madhe, viktimat mund të ishin edhe më të mëdha, pasi ishte me një fuqi tepër të madhe”, tha Garevski.
“Edhe në Shkup ka rënë tërmet dhe pasojat në Shkup kanë qenë më të shumta. Dëmet janë sigurisht sërish të mëdha”, thotë ing.Agim Serjani.
Ndërsa inxhinier Sokol Kikino shprehet: Shkaqet e fatkeqësisë janë të shumta.
“Tronditja kryesore besoj e shpresoj ka ikur. Shpresojmë që ky është tërmeti më i madh, ndoshta edhe lëkundje mund të ketë, por më të vogla se magnituda 4.0. Mund të ketë magnitudë 4 ose 4.5, por jam i sigurt që nuk ka vend për panik. Tashmë besoj se toka sa vjen e qetësohet”, shton Garevski.
Praktikisht është e vështirë të parashikohet tërmetim, sepse askush nuk e parashikon dot tërmetin, por zakonisht në këtë rajon, siç ndodhi edhe në Shkup më 1963, pas tërmetit të fuqishëm kishte lëkundje, e më pas toka u zbut. Edhe më 1979 në Mal të Zi kishte magnitudë 7.4, kishte disa pas-lëkundje e më pas situata u qetësua. /e.s/
