Rrjetet sociale dhe mediat online vijojnë që të jenë pushtuara nga momenti i pazakontë mes Presidentit francez Emmanuel Macron dhe bashkëshortes së tij, Brigitte ku ajo e godet lehtë në fytyrë kreun e shtetit të saj ndërkohë që hapej dera e avionit presidencial që i solli mbrëmjen e së dielës në kryeqytetin vietnamez Hanoi.
Ekspertët po i rishikojnë këto pamje tronditëse ku 72-vjeçarja e Brigitte Macron, vendos befasishëm të dyja duart në fytyrën e burrit të saj 47-vjeçar.
Disa ekspertë të leximit të buzëve janë angazhuar për të zbuluar nëse bëhet fjalë për një shaka mes çiftit, apo diçka më shumë.
Ndërsa hapej dera e avionit, pas aktit të beftë të bashkëshortes, Presidenti Macron duket se vihet në siklet dhe ngre dorën me një përshëndetje të sforcuar.
Pastaj Emmanueli i afrohet Brigitte-s dhe i bën shenjë asaj që ta ndjekë me fjalët, “Le të shkojmë”.
Ai e falënderon pilotin dhe u bën me dorë kamerave, duke u përpjekur të rikuperojë imazhin përballë publikut.
Sipas ekspertëve të leximit të buzëve, Macron u përpoq të përmirësonte atmosferën duke i zgjatur dorën bashkëshortes së tij, por ajo nuk pranoi, e injoroi dhe u mbajt në parmakun e shkallëve të avionit.
Teksa kalon pranë tij, Brigitte duket se mërmërit fjalët: “Largohu, humbës i mjerë”
Pak çaste më vonë, lexuesi i buzëve pretendon se Macron thotë “Le ta provojmë, të lutem“, por përgjigjja e Brigitte-s është e shkurtër: “Jo.”
Ndërkohë, Presidenti e përfundon bisedën me një shprehje fytyre të përmbajtur dhe fjalët: “E kuptoj”.
Brigitte nuk e pranoi krahun e shtrirë të burrit të saj kur zbriti shkallët e avionit, ku poshtë në pistë i prisnin zyrtarët vietnamezë.
Që nga ai moment i sikletshëm Macron është përpjekur ta minimizojë atë që i ndodhi me bashkëshorten.
Po, zihemi madje bëjmë edhe shaka mes nesh u tha Macron gazetarëve duke shtuar se incidenti po ekzagjerohej nga armiqtë e tij duke e kthyer në një “lloj katastrofe gjeo-planetare.”
“Njerëzit po thonë lloj-lloj budallallëqesh. Të gjithë duhet të qetësohen”, shtoi ai.
Çifti presidencial francez është martuar në vitin 2007, ata u dashuruan për herë të parë në vitin 1993 kur Brigitte ishte një mësuese 39-vjeçare në një shkollë të mesme ku Emmanuel ishte nxënësi i saj 15-vjeçar dhe shok klase me vajzën e saj.
