Dy ekspertë të pavarur Shpejtim Bulliqi dhe Florim Isufi, kanë reaguar ndaj deklaratës së Qeverisë së Kosovës, kundër ekspertëve të pavarur.
Ata në reagimin e tyre, kanë shkruar se është për t’u çuditur se si qeveria e Kosovës në mungesë të argumenteve për bindje të opinionit, për mungesë të transparencës, në mungesë të ekspertëve përkrahës, në mungesë të ekspertëve për t’iu përgjigjur pyetjeve të parashtruar nga ne që nga 3 gushti, në mungesë të gjetjes së një arsyetimi shkencor dhe politik në pyetjen se pse po rritet sipërfaqja e Malit të Zi pas 70 viteve ekzistencë (13812km2), në pamundësi të interpretimit të drejt të hartës së komunave kadastrave (tani zonave kadastrave) të vitit 1974 (ne jemi në gjendje kur do, me kënd do, ku do me analizua bashkërisht) të përpiluar nga Drejtoria për gjeodezi e KSA të Kosovës etj, po tenton të shpall fajtorë ekspertet e pavarur në mënyrë që të metat e tyre politike dhe profesionale t’i arsyetojnë dhe t’ i fshehin, citohet Express. (b.an)