EKSKLUZIVE/Monumenti i Pavarësisë, autorët nuk morën paratë
Stafi i ri drejtues i bashkisë së Tiranës ka vendosur të rikthejë shkëlqimin e Monumentit të Pavarësisë, i cili që nga inaugurimi në vitin 2012, është përdhosur disa herë, duke u vandalizuar e vjedhur në shumë raste. Sot monumenti imponent në mes të Parkut Rinia, tregon qartë shenjat e vandalizmit dhe vjedhjes. Pllakat janë shkulur, mbi panele janë gërvishtur e shkruar gjithfarë emrash, krahas atyre të themeluesve të shtetit shqiptar.
Bashkia po planifikon një ndërhyrje urgjente në disa drejtime, për t’i rikthyer Monumentit pamjen fillestare. Burime pranë Bashkisë thanë për Javaneës.al se parashikohet që Monumenti të rrethohet dhe të ndriçohet, në mënyrë që të mos bëhet më pre e vjedhësve anonimë e personave të papërgjegjshëm. Për të janë harxhuar plot 900 kg bronz dhe riparimi do të kërkojë një sasi të konsiderueshme metali, që do të zëvendësojë panelet që mungojnë dhe ato që janë dëmtuar rëndë.
Javanews.al mësoi gjithashtu nga burime të mirëinformuara se autorët Visar Obrija dhe Kai R. Kiklas, vazhdojë të mos e kenë marrë marrë honorarin e plotë për veprën që krijuan tre vjet më parë. Mësohet se ata kanë shprehur gjithashtu brengosjen e tyre, për përdhosjen e veprës, pasi kanë marrë garanci nga autoritetet shqiptare që ajo do të ruhet dhe kjo nuk ka ndodhur.
Redaksia JavaNews.al ju kërkon ndjesë autorëve nëse është keqkuptuar më herët shifra e honorarit e përmendur më parë në lajm.
