Një foto e publikuar në rrjetet sociale, u nxitua të merrej e mirëqenë, pa e kontrolluar ende, se bëhej fjalë për kandidaten e Partisë Demokratike në Bashkinë e Durrësit Grida Duma.
Megjithatë, ashtu siç dukej edhe në fotografi, gjithçka rezultoi e pavërtetë. Lidhur me këtë fotografi, ka reaguar edhe zonja Duma e cila e kontaktur me telefon nga JavaNews.al u shpreh e indinjuar për atë që disa media nxituan ta publkojnë si të vërtetë.
Kandidatja e PD për Durrësin thekoi se kjo ishte diçka mjaft e shmëtuar që u bë në adresë të saj nga media joserioze. Duma theksoi se ishte mëse evidente që nuk ishte ajo personi në foto, qoftë nga vetë fotoja apo qoftë edhe nga vendi.
“Kjo ishte diçka shumë e shëmtuar që u bë. Ishte mëse e dukshme që nuk isha unë në foto, qoftë nga fotografia apo edhe vendi.” theksoi Duma për JavaNews duke shtuar se shpreson në një standart tjetër dhe më profesional në të ardhmen nga media shqiptare.
(Fotografia e publikuar në rrjetet sociale e një këngëtareje polake, e cila u abuzua si e kandidates së PD Grida Duma)
