EKSKLUZIVE/ Ai është tashmë një ndër emrat më të njohur të medias televizive, duke qenë protagonist i një sërë eventesh të rëndësishme në Top- Channel. Këtë e ka arritur në një periudhë relativisht të shkurtër, falë një pune sistematike dhe këmbëngulse. Në jetë çdo njeri e shoqëron ndonjë paradoks. Një të tillë ka edhe ai. Në fëmijërinë e tij ka qenë një gjumash i paparë që mezi e zgjonin. Ka qenë një fëmijë qaraman në kuptimin e plotë të fjalës. Ai kujton se qante pa pushim, duke e kthyer të qarën edhe si një mjet për të arritur ndonjë qëllim të vockël. Me një fjalë ishte kthyer në shtëpi në një “gazepmadh”.
Ai ka dy vëllezër dhe një motër. Diferenca mes tre vëllezërve është me nga 5 vjet aq sa prindërve të tij u thonin me shaka se “bëni nga një fëmijë për çdo kongres partie”. Për shkak të punës së të atit fëmijëria e tij ka qenë në lëvizje sa në një qytet në tjetrin, duke mos patur shumë mundësi të krijoj miqësi afatgjata me moshatarë të tij. Nuk i pëlqente të përzihej një lojërat që zhvillonin moshatarët e tij, duke e kaluar pjesën më të madhe të kohës duke parë televizor. Nga këtu zë fill edhe pasioni I tij për televizonin, ndonse siç thonë miqtë pranë tij, sfida e tij që fëmijë ka qenë që të këndoj.
Mbetet e paqartë se përse nuk parapëlqen të këndoj në gjuhën shqipe por vetëm në anglisht. Ai nuk përpiqej të ishte sherrxhi në lagje, jo vetëm për faktin se nuk ishte natyrë sportive, por edhe sepse nuk ja mbante shumë nga e jëma. Duke qenë se babai i tij ishte oficer policie në shtëpi gjendej thuajse vazhdimisht shkopi i gomës. Në shkollë shquhej për natyrë debatuese, duke mos ngurruar që debatet në shumicën e rasteve ti bënte me mësuesit e tij. Lënda që urrente ishte fiskultura. E natyrisht bëhet fjalë për Ledion Liço, një ndër emrat më të famshëm të botës së spektakleve në televizion.
(javanews.al) Me. Ar
