Pas publikimit të raportit për rritjen ekonomike, kryeministri Edi Rama ka reaguar përmes një statusi në facebook. Ai thotë se rritja me 3.5 % e ekonomisë për vitin 2016, që përbën nivelin më të lartë në 6 vitet e fundit, “është shumë në krahasim me ku ishte vendi në 2013-ën, por nuk mjafton me Shqipërinë që duam”.
Rama shton se ka ende shumë punë për të bërë për të rritur ekonominë dhe për të shtuar punësimin.
“Rritja ekonomike e konsoliduar për vitin 2016. Është shumë krahasuar me nga u nisëm, por nuk mjafton për Shqipërinë që duam. Kemi ende shumë punë për të bërë për të rritur më shumë ekonominë, punësimin dhe për të shtuar më tutje rrugën e mirëqenies”, shkruan Rama./a.m.
