Programi i Zhvillimit të Kombeve të Bashkuara, prezantoi Raportin e Zhvillimit Njerëzor për Shqipërinë 2016. Në traditën e tij, ky raport trajton çështje të rëndësishme te interesit publik të analizuara nga optika e zhvillimit njerëzor.
Tema e raportit të këtij viti është “Funksionaliteti”. Shqipëria ka bërë përparime të dukshme në zhvillimin ekonomik dhe përgjithësisht me performancën e saj konsiderohet si histori suksesi ndër vendet në tranzicion, thuhet ne raport.
Ministrja e Zhvillimit Ekonomik, Turizmit, Tregtisë dhe Sipërmarrjese pranishme ne kete prezantim u shpreh se, vendi po kalon nga faza e vendosjes së demokracisë dhe e ekonomisë së tregut në fazën e konsolidimit të tyre. Në gjithë këto vite ne kuptuam se ekonomia jonë (një ekonomi e vogël e një vendi të vogël, që ka kaq shumë pak demografi) ka qenë një ekonomi deri diku stabël. Dhe po të shikojmë indeksin e zhvillimit njerëzor, që nga viti 2010 Shqipëria mban vendin e 85 dhe nga IZHNJ (HDI) 0.569 ka shkuar në 0.733, duke pasur një rritje graduale dhe nuk e ka ndryshuar shumë pozicionin e saj. Kjo tregon se, në të vërtetë, kemi bërë rritje ekonomike.
Sipas saj, Rritja ekonomike ka qenë e qëndrueshme, por ka pasur një dilemë: A gjeneruam punë, aq sa gjeneruam rritje? Në fakt, nuk kemi gjeneruar punë aq sa kemi gjeneruar rritje. Dhe këtë e tregon edhe një fazë tjetër e jetës ekonomike (për ata që vijnë nga analizat ekonomike) prezenca e lartë e informalitetin. Dhe beteja më e madhe është se sa do ta formalizojmë ne ekonominë e vendit sot? A do të jemi të zotë të formalizojmë ekonominë e vendit në masën që ne duam ta arrijmë këtë gjë? Formalizimi, nga njëra anë, përveçse ka detyra thjeshtë ekzekutive shtetërore, ka detyra që lidhen edhe me bindjen sociale dhe me bindjen për pjesëmarrje komunitare në këtë proces. Dhe mund ta bëjë shumë mirë media sociale, por jo vetëm, sepse media sociale duhet të bashkohet me programet e edukimit dhe me programe të tjera që lidhen me edukimin ekonomik dhe investues që duhet të kenë edhe shqiptarët e zakonshëm. (java / r.a)
