Qeveria zvicerane sjell misionin e parë në Shqipëri, i cili do të verifikojë dëmet dhe do të vlerësojnë stabilitetin e ndërtesave të dëmtuara pas tërmetit. Me njëherë me të mbërritur në Shqipëri u ndanë në grupe dhe vizituan disa vendndodhje në Durrës, Laç dhe Thumanë.
Ekspertët këshillojnë shembjen e hotel “Lubjanës”.
Asistence e menjëhershme u dha tek hotel “Lubjana” në Durrës, inxhinierët zvicerane kontrolluan stabilitetin e ndërtesës dhe këshilluan për mundësinë e shembjes për shkak të elementeve jo të qëndrueshëm që ka ndërtesa” thuhet në njoftimin e ambasadës zvicerane.
Ekspertët e ardhur nga Zvicra filluan vlerësimin e nevojave për familjet e dëmtuara dhe në ditët në vazhdim misioni do të vendosë përparësitë dhe kohëzgjatjen e asistencës.
Ekipi përbëhet nga 15 specialistë nga Departamenti i Ndihmës Humanitare të Agjencisë Zvicerane për Zhvillim dhe Bashkëpunim (SDC), mes tyre janë inxhinierë që vlerësojnë gjendjen e ndërtesave dhe ekspertë që vlerësojnë nevojat dhe planifikojnë veprimet në përgjigje të tyre.
Ekipi gjithashtu u takua me komisionet e emergjencës dhe autoritetet vendore në Durrës, Tiranë dhe Laç, dhe filluan vlerësimin e nevojave për familjet e dëmtuara. Në ditët në vazhdim misioni do të vendosë përparësitë dhe kohëzgjatjen e asistencës zvicerane. Furnizime, pajisje dhe artikuj jo-ushqimore pritet të mbërrijnë në ditët e ardhshme. /e.s/
