Real Madridi e ka nisur jetën pa Cristiano Ronaldon, i cili pas plot nëntë viteve në Madrid, ka vendosur të luajë për Juventusin nga ky sezon i ri.
Reali ka zhvilluar ndeshjen hapëse të edicionit të ri 2018/19 në shtëpinë e vet “Santiago Bernabeu” kundër Getafes, dhe ka shënuar një rekord të zi, transmeton Gazeta Express.
Bernabeu ishte i mbushur në gjysmë, për herë të parë që prej vitit 2009. 48.466 spektatorë ishin në “Santiago Bernabeu”, që është më e ulëta në një ndeshje të Realit në ligë në fushën e vet që prej majit të vitit 2009.
Saktësisht 4 majit 2009, kur Realin po e shikonin 44.270 spektatorë. A të jetë efekti Ronaldo? (Express). (b.an)
