Birra i bën femrat më pak të turpshme në lidhje me seksin. Ky është përfundimi në të cilin ka dalë një studim shkencor, që thotë se pas gjysmë litri birrë, femrat tërhiqen më shumë nga fytyrat e gëzuara dhe janë më pak të turpshme.
Ky studim vëzhgoi 60 vullnetarë të moshës 18 deri në 50 vjeç, të cilët, pasi kishin pirë birrë, e kishin më të lehtë të shikonin imazhe seksuale. Kjo ndodhte në veçanti me femrat, të cilët kishin një përqendrim më të madh alkooli në gjak pasi kishin pirë të njëjtën sasi alkooli me meshkujt.
Një tjetër efekt i birrës u pa se ishte nxitja për sjellje më pozitive. Pjesëmarrësit në studim ishin më të tërhequr ndaj fytyrave të lumtura pasi kishin pirë gjysmë litri birrë.
Udhëheqësi i studimit, profesori Matthias Liechti, i Universitetit të Bazelit (Zvicër), tha: “Birra nxjerr në pah emocione pozitive te njerëzit dhe lehtëson shikimin e imazheve seksuale, duke hequr pengesat që mund të ketë një njeri i caktuar.
Studimi është publikuar në revistën “Psychopharmacology”./shije/a.k
