“Edi Rama duhet ta ketë të qartë me kë ka të bëjë”.
Kështu shprehet numri dy i PD-së së Sali Berishës, Flamur Noka.
“Përgatitje për primare dhe protesta në çdo degë të Partisë Demokratike. Më 12 nëntor të gjithë në Tiranë! Më 12 nëntor, Tirana do të jetë kryeqyteti europian i protestës.
Ne nuk do e ndalim aksionin tonë politik dhe thirrjet për protesta kombëtare, që Edi Rama dhe tenderistët e tij ta kenë të qartë me cilët kanë të bëjnë dhe kë kanë përballë.
Ne po vendosim votën e demokratëve dhe simpatizantëve në themel të vendimmarrjes politike, për të institucionalizuar modelin më të prekshëm të demokracisë së brendshme, që është pikënisje për demokratizimin e vendit.
PD dhe lidershipi i saj janë garanci se shqiptarët do të kenë alternativë në zgjedhjet e ardhshme”, shkruan ai, ndërsa ka postuar disa foto ku shfaqet si lider që i jep shpresë popullit, krah Xhelal Mziut.
Në fakt, Rama e di mirë kë ka përballë. Ndaj dhe del e tregon barcaleta në TV.
/tema/ a.r
