Vatikani shprehu sot shqetësimin e tij pas dekreteve të presidentit amerikan, Donald Trump në lidhje me murin në kufirin meksikan dhe ndalimin e hyrjes së shtetasve nga shtatë vende myslimane.
“Në mënyrë krejt të natyrshme ka shqetësime. Ne jemi të dërguarit e një kulture tjetër, asaj të hapjes”, deklaroi për kanalin katolik Tv2000, Angelo Becciu, numri tre i Vatikanit, i pyetur për këtë masë amerikane.
“Jemi ndërtues urash, haptazi me më pak mure dhe të krishterët duhet ta rikonfirmojnë me forcë këtë mesazh”, pohoi Becciu.
Peshkopi i lartë vuri gjithashtu theksin në ”domosdoshmërinë për të riintegruar të gjithë ata që vijnë në shoqërinë tonë, në kulturën tonë”./b.d
