Kryetari i PDIU-së, Shpëtim Idrizi është ftuar mbrëmjen e sotme në emisionin ‘5 Pyetjet nga Babaramo’ në Report Tv mbi protestën që opozita do të zhvillojë nesër dhe kërkesën për zgjedhje të parakohshme.
Kryetari i PDIU-së, Shpëtim Idrizi shprehet se personat që kanë pranuar mandatin e deputetit nga lista e PD-së dhe LSI-së janë të blerë nga Edi Rama. “Janë të blerë dhe të kapur të gjithë. Kalimet nga PDIU te PS-ja? Këta që kanë kaluar me Ramën tani ishin të katër, të pestë në listë, nuk mendoja se do hynin në parlament, por tani Rama i bleu. Shumë shpejt do të kemi zgjedhje të parakohshme” tha ai.
Kryeministri Edi Rama është shprehur se nuk ka zgjedhje të parakohshme dhe se ato do të zhvillohen në 2021, kur mbaron mandati. Por kryetari i PDIU-së, Shpëtim Idrizi thotë se zgjidhja e vetme e krizës janë zgjedhjet. “Cdo krizë zgjidhet me zgjidhje politike dhe zgjedhje të parakohshme. Nuk është krizë thjeshtë që janë vjedhur zgjedhjet, por janë kapur të gjitha pushtetet. Tani shoh ca emra të cuditshëm, mendoni se do të jenë opozita shqiptare?!”. (report.tv)
