Sergio Ramos ka thënë se është pro teknologjisë, pasi kështu do të evitohen vendimet e padrejta
Kapiteni i Real Madridit, Sergio Ramos e ka pranuar se është pro teknologjisë në futboll, pasi kështu vendimet e gabuara të gjyqtarëve nuk do të vendosin ndeshjet.
Ramos kështu është kundër Luka Modricit, i cili kishte thënë se kjo teknologji nuk ka të bëjë asgjë me futbollin.
“Ka me mijëra mendime dhe ne duhet t’i respektojmë, por për mua futja e teknologjisë është vendim i mirë, pasi parandalon vendimet e gabuara të gjyqtarëve”, tha Ramos gjatë konferencës për media, para finales së Kupës së Botës për Klube.
“Kjo teknologji është shumë e nevojshme, sidomos për ndeshjet që janë shumë të rëndësishme dhe eviton gabimet sikurse ato që i ndodhën Spanjës në vitin 2002”.
Kujtojmë se Ramos është stërvitur normalisht dhe nesër do të luaj nga minuta e parë kundër Kashima, përgatiti “Express”. (b.an)
