Pronarët e Liverpoolit kanë angazhuar një bankë investuese për t’i këshilluar në lidhje me shitjen e mundshme të një pjese të konsiderueshme të aksioneve të klubit ndaj një konsorciumi kinez, ka raportuar të shtunën “Financial Times” duke u thirrur në burime të afërta me çështjen.
Konsorciumi është i strukturuar si partneritet mes Everbright, një konglomerat financiar ky kinez në pronësi të shtetit, dhe PCP Capital Partners, kompani e themeluar nga Amanda Staveley.
Liverpool janë në pronësi të Fenway Sports Group. Nëse marrëveshja kalon, do të jetë vetëm e fundit në serinë e investimeve nga Kina në futbollin evropian.
Gjatë kësaj jave, kryesuesi Tom Werner mohoi se Liverpooli është në shitje, ndërsa shefi ekzekutiv i klubit, Ian Ayre, tha se klubi nuk është i përfshirë në diskutime për shitje me askënd, citohet Expres. (b.an)
