Edhe flamuri i Kosovës në Katalonjë. Ndërsa autoritetet katalunase kanë shpallur pavarësinë e këtij rajoni, në qytetin e Barcelonës kanë filluar festimet.
Siç kanë raportuar mediat e huaja, përcjell Telegrafi, dhjetëra mijëra qytetarë pro pavarësisë u grumbulluan jashtë parkut që rrethon parlamentin katalonas në Barcelonë, ku kanë përshëndetur me entuziazëm lajmin e shpalljes së Republikës katalonase.
Po sipas mediave, brohoritje, duartrokitje dhe thirrje “pavarësi” në gjuhën katalanase dëgjoheshin nga turma e zgjedhësve indipendentistë, ndërsa flamuj të ndryshëm, si përshembull dhe ai i Kosovës gjendej mes turmës. Republikën e miratuan 70 deputetë nga 135 në total, pavarësisht deputetëve të opozitës ku pjesa më e madhe u larguan nga salla duke bojkotuar votimin. (b.an)
