Dy persona janë arrestuar në Bruksel si të dyshuar se kanë marrë pjesë në sulmet terroriste që ndodhën më 13 nëntor në Paris ku vdiqën 130 njerëz. Shtetasi belg Zakaria J. dhe shtetasi maroken Mustafa E. janë arrestuar për shkak të dyshimit se kanë marrë pjesë në organizimin e sulmeve në Paris, thuhet nga policia belge, raporton AP. Të dyshuarit janë arrestuar gjatë operacionit në lagjen Molenbek, ku edhe më herët janë arrestuar ekstremistët islamikë. Gjatë bastisjes nuk janë gjetur as armë as eksploziv.
