Policia e Bangladeshit ka vrarë të paktën 90 persona dhe ka arrestuar rreth 7,000 të tjerë nga fillimi i muajit maj, në përgjigje të një aksioni që synon goditjen ndaj trafikut të drogës.
Aktivistët e të drejtave të njeriut kanë reaguar ashpër duke e krahasuar situatën me atë të Filipineve. Statistikat zyrtare në Filipine tregojnë se, 4.000 njerëz janë vrarë nga policia në operacionet antidrogë, që kur Duterte u bë president. Por, në raportet jozyrtare bilanci i viktimave i kalon 8.000.
Autoritetet e Bangladeshit filluan fushatën anti-narkotike për të parandaluar kryesisht përhapjen e drogave ilegale të quajtura ya ba, një përzierje e kafeinës dhe metamfetaminës. Ato kanë gjetur një përdorim shumë të madh nga të rinjtë dhe mendohet se e kanë burimin nga Mianmari.
Zyrtarët qeveritarë thonë se pjesa më e madhe e drogës janë sjellë në Bangladesh vitin e kaluar nga refugjatët Rohingya që iknin nga një goditje ushtarake në Mianmar./a.m.
